തദ്ദേശ തെരഞ്ഞെടുപ്പിന് മാറ്റമില്ല; വോട്ടെടുപ്പ് ഒക്ടോബറിലോ നവംബറിലോ നടക്കുമെന്ന് തെരഞ്ഞെടുപ്പ് കമ്മീഷന്‍


തിരുവനന്തപുരം: സംസ്ഥാനത്ത് കൊവിഡ് വ്യാപന സ്ഥിതി തുടര്‍ന്നാലും തദ്ദേശ തെരഞ്ഞെടുപ്പ് മാറ്റില്ലെന്ന് സംസ്ഥാന തെരഞ്ഞെടുപ്പ് കമ്മീഷണര്‍ വി. ഭാസ്‌കരന്‍. ഒക്ടോബര്‍ അവസാന വാരമോ നവംബര്‍ ആദ്യവാരമോ തെരഞ്ഞെടുപ്പ് നടത്തുമെന്ന് തെരഞ്ഞെടുപ്പ് കമ്മീഷണര്‍ വ്യക്തമാക്കി.

കൊവിഡ് പ്രോട്ടോകോള്‍ അനുസരിച്ചാണ് തെരഞ്ഞടുപ്പ് നടത്തുക. ഏഴു ജില്ലകള്‍ വീതം രണ്ട് ഘട്ടങ്ങളായാവും വോട്ടെടുപ്പ്.
കൊവിഡ് സാഹചര്യം കണക്കിലെടുത്ത് പോളിംഗ് സമയം ഒരുമണിക്കൂര്‍ കൂടി നീട്ടും. രാവിലെ ഏഴ് മുതല്‍ വൈകീട്ട് ആറുമണി വരെയായിരിക്കും പോളിംഗ് സമയം.

തെരഞ്ഞെടുപ്പ് പ്രചാരണങ്ങളിലും കൊവിഡ് പ്രോട്ടോകോള്‍ ബാധകമായിരിക്കും. രണ്ടോ മൂന്നോ പേര്‍ക്ക് മാത്രമായിരിക്കും വീടുകളിലെത്തി വോട്ടഭ്യര്‍ത്ഥിക്കാനുള്ള അനുമതി. നവ മാധ്യമങ്ങളിലൂടെയുള്ള പ്രചാരണങ്ങള്‍ വര്‍ധിപ്പിക്കാന്‍ പാര്‍ട്ടികള്‍ തയ്യാറാകണമെന്നും കമ്മീഷണര്‍ ആവശ്യപ്പെട്ടു. ഈ മാസം 15നകം പുതുക്കിയ വോട്ടര്‍ പട്ടിക പുറത്തിറക്കും.

Share this news

           

RELATED NEWS

Election 2020