'നിങ്ങള്‍ പാകിസ്താന്‍കാരാണോ? ഇന്ത്യക്കാരാണെങ്കില്‍ നിര്‍ബന്ധമായും ഭാരത് മാതാ കീ ജയ് വിളിക്കണം'; മുദ്രാവാക്യം ഏറ്റുവിളിക്കാത്ത വോട്ടര്‍മാരോട് കോപാകുലയായി സൊനാലി ഫോഗട്ട്


ഭാരത് മാതാ കീ ജയ് വാക്യം ഏറ്റുവിളിക്കാത്തവര്‍ക്ക് മുന്നറിയിപ്പുമായി ഹരിയാനയിലെ ബി.ജെ.പിയുടെ ടിക്ടോക്ക് താരമായിരുന്ന സ്ഥാനാര്‍ത്ഥി. യാതൊരു വിലയുമില്ലാത്തവരാണ് ഭാരത് മാതാ കീ ജയ് മുദ്രാവാക്യം വിളിക്കാത്തവരെന്നാണ് സൊനാലി ഫോഗട്ട് പറഞ്ഞത്.
കോണ്‍ഗ്രസിന്റെ കുല്‍ദീപ് ബിഷ്‌ണോയിയെയാണ് ടിക് ടോക്കില്‍ ലക്ഷക്കണക്കിന് ഫോളോവേഴ്‌സുള്ള സൊനാലി നിയമസഭാ തെരഞ്ഞെടുപ്പില്‍ നേരിടുന്നത്. ഒക്ടോബര്‍ 21നാണ് ഹരിയാനയില്‍ തെരഞ്ഞെടുപ്പ്. മുന്‍ മുഖ്യമന്ത്രി ഭജന്‍ ലാലിന്റെ മകനാണ് കോണ്‍ഗ്രസിന്റെ കുല്‍ദീപ് ബിഷ്‌ണോയി.
ഭാരത് മാതാ കീ ജയ് എന്ന മുദ്രാവാക്യത്തോടെയാണ് സൊനാലി ബാല്‍സമന്ത് ഗ്രാമത്തിലെ വോട്ടര്‍മാരെ അഭിസംബോധന ചെയ്തത്. മുദ്രാവാക്യത്തോട് ചിലര്‍ പ്രതികരിച്ചില്ല. സദസിലെ നിശടബ്ദത ശ്രദ്ധിച്ച സൊനാലി മുദ്രാവാക്യം ഏറ്റുവിളിക്കാത്തവര്‍ക്കെതിരെ രോഷാകുലയാവുകയും മുദ്രാവാക്യം വിളിക്കാന്‍ മടിയുള്ളവര്‍ക്ക് സ്വയം ലജ്ജ തോന്നട്ടെ എന്ന് ആക്രോശിക്കുകയും ചെയ്തു.

‘നിങ്ങളെല്ലാവരും പാകിസ്താനില്‍നിന്നുള്ളവരാണോ? നിങ്ങള്‍ ഇന്ത്യക്കാരാണെങ്കില്‍ നിര്‍ബന്ധമായും ഭാരത് മാതാ കീ ജയ് ഏറ്റുവിളിക്കണം’, സൊനാലി വോട്ടര്‍മാരോട് ആവശ്യപ്പെട്ടു.

Share this news

           

RELATED NEWS

സൊനാലി ഫോഗട്ട്