പശ്ചിമേഷ്യയിലെ സംഘർഷ സാഹചര്യങ്ങൾക്കിടെ ഹോർമുസ് കടലിടുക്ക് വഴിയുള്ള യാത്ര വിജയകരമായി പൂർത്തിയാക്കി 46,500 മെട്രിക് ടൺ എൽപിജി വഹിച്ച ഇന്ത്യയുടെ രണ്ടാമത്തെ എൽപിജി കപ്പൽ ‘നന്ദാ ദേവി’ ചൊവ്വാഴ്ച (മാർച്ച് 17, 2026) ഗുജറാത്തിലെ വദിനാർ തുറമുഖത്ത് സുരക്ഷിതമായി എത്തിച്ചേർന്നതായി അധികൃതർ അറിയിച്ചു. ഇന്ത്യയുടെ ഊർജ വിതരണത്തിൽ ഇത് നിർണായക ഘട്ടമാണെന്നും വിലയിരുത്തപ്പെടുന്നു.

ദേവഭൂമി ദ്വാർക ജില്ലയിൽ സ്ഥിതി ചെയ്യുന്ന വദിനാർ തുറമുഖത്ത് ‘നന്ദാ ദേവി’ നങ്കൂരമിട്ടിട്ടുണ്ടെന്നും, കപ്പലിലെ ദ്രവീകൃത പെട്രോളിയം വാതകം (എൽപിജി) ‘ഡോട്ടർ ഷിപ്പ്’ ആയ ‘ദീൻദയാൽ’ കപ്പലിലേക്ക് മാറ്റുന്നതിനുള്ള തയ്യാറെടുപ്പുകൾ പുരോഗമിക്കുകയാണെന്നും ദീൻദയാൽ പോർട്ട് അതോറിറ്റി ചെയർമാൻ സുശീൽ കുമാർ സിംഗ് മാധ്യമങ്ങളോട് അറിയിച്ചു.